ສະມາຄົມແພດເດັກລາວສ້າງຕັ້ງຂື້ນໃນວັນທີ 18 ທັນວາ 2011 ເຄື່ອນໄຫວພາຍໃຕ້ການຊີ້ນຳຂອງສະມາຄົມການແພດລາວການແພດລາວກະຊວງສາທາລະນະສຸກຂອງ ສສປ ລາວ. 

ສະມາຄົມແພດເດັກລາວມີໜ້າທີ່ຄື: ປະສານງານກັບບັນດາສາຂາຂອງ “ສດລ” ໃນຂອບເຂດທົ່ວປະເເທດ ແລະ ພົວພັນກັບສາກົນ, ປຸກລະດົມ ແລະ ຊ່ວຍເຫຼືອບັນດາພະນັກງານແພດທີ່ເຮັດວຽກກ່ຽວກັບເດັກເພື່ອຍົກລະດັບຄວາມຮູ້ຂະແໜງການວິຊາສະເພາະ, ສົ່ງເສີມການຄົ້ນຄ້ວາວິທະຍາສາດເຕັກໂນໂລຊີ ແລະ ວິຊາຊີບເພື່ອປະກອບສ່ວນເຂົ້າໃນການບຳລຸງຮັກສາ, ປົກປ້ອງ ແລະ ຍົກລະດັບສຸຂະພາບຂອງປະຊາຊົນໃຫ້ດີຂື້ນບົນພື້ນຖານຈັນຍາບັນການແພດ, ວິທະຍາສາດການແພດ ແລະ ການຢາທີ່ກ້າວໜ້າທັນສະໄໝ, ປະຕິບັດໜ້າທີ່, ປຶກສາຫາລື, ໄກ່ເກ່ຍຂໍ້ຂັດແຍ້ງ, ກວດສອບວິຊາສະເພາະ,ເຕັກໂນໂລຊີການແພດໂດຍສົມທົບກັບຂະແໜ່ງສາທາທາລະນະສຸກ, ປ້ອງກັນສິດຜົນປະໂຫຍດອັນຊອບທຳຂອງສະມາຊິກ “ສດລ” ໃຫ້ເຄື່ອນໄຫວຖືກຕາມກົດລະບຽບຂອງສະມາຄົມ ແລະ ກົດໝາຍລັດ, ພົວພັນແລກປ່ຽນບົດຮຽນກັບອົງການວິທະຍາສາດ ແລະ ເຕັກນິກພາຍໃນປະເທດ ແລະ ສາກົນຕາມລະບຽບກົດໝາຍລັດ.